Bago po ang lahat ay nais ko munang batiin ang Tinig Pinoy Radio sa ika-dalawang taong Anibersaryo at dalawang taong paglilingkod at pagbibigay ng tuwa at pag-asa sa aming mga OFW.
Mula sa Pinoy Katamberkz Int’l -Chacharap team ako ay si Mae Ann A. Obeja. Kasalukuyan akong naninirahan sa lungsod ng Sapang Dalaga, Misamis Occidental, Philippines.
Ako ay 35 years old at pinanganak noong Mayo 2, 1979. Panganay ako sa tatlong magkakapatid at anim na taon ng biyuda na may dalawang anak. Tagalog, English at Bisaya ang aking natutunang lengwahe. Ako ay nakapag-tapos sa kursong Bachelor of Science in Elementary Education.
At dahil sa hirap na makahanap ng magandang trabaho at sapat na sahod sa Pilipinas, ay mas minabuti kong mangibang bansa upang maituguyod ang pag papalaki at pag papa aral sa aking mga anak at makatulong na rin sa mga kapatid. Sa ngayon ako ay pinalad na makapag trabaho dito sa Singapore na mahigit na tatlong taon na ngayon.
Isa pong karangalan ang makasali sa Miss May Calendar Girls 2014 na isa ring paraan upang maipakita namin ang aming angking talino at talento na makapag bibigay din ng kasiyahan sa lahat. Pag awit ang aking ipapamalas na talento sa inyo.
Maging isang mabuting halimbawa sa mga kaibigan at sa lahat ng mga miembro ng TINIG PINOY RADIO at may katangiang makatao, mapag mahal sa kapwa, matulungin, at may takot sa Diyos ang ilan sa dahilan ko upang ako ay sumali sa Miss May Calendar Girls 2014.
